Avontuurkampe

Twee keer per jaar gaan die graad 4-7 leerders op ‘n Avontuurkamp waar hulle meer kan leer van ons pragtige natuur, oorlewing en ook pret kan hê met vlotbou, hindernisbane en vele ander aktiwiteite.

Eisteddfod

Leerders neem jaarliks aan die  Ratem Eisteddfod deel waar hulle kan spog en kompeteer  met hulle sang, musiek, poësie en kunstalente.

Entrepreneurs

Leerders word elke jaar aangemoedig om hulle Entrepreneursvaardighede te ontwikkel en te verbeter.  Hulle kry dus geleentheid om tydens ‘n aandmark stalletjies te hê, waar hulle produkte van hulle keuse self te koop moet aanbied.

Kultuurweek

Een keer per jaar bied die skool ‘n kultuurweek aan met wonderlike kultuuraktiwiteite soos boeresport, skattejag, kokkedoortjie, konserte, ‘n modeparade met klere van herwinningsmateriaal, draadkarresies en nog vele meer. Iets om beslis nie te mis nie.